Die verhaal ontvou in 'n post-apokaliptiese Suid-Afrika nadat 'n zombievirus verwoesting gesaai het. Ons volg verskeie individue en groepe wat probeer om sin te maak van die "nuwe" wêreld om hulle.

Die verhaal begin met Wald, wat alleen in 'n hospitaalbed ontwaak, en gou maak ons kennis met die tweeling, Ouboet en Kleintjie, wat dit regkry om 'n paar individue te red. Na verskeie dae en heelwat hindernisse vind hulle hulself uiteindelik in dieselfde hospitaal waar Wald wakker geword het.

Ons word ook voorgestel aan karakters soos Mthunzi, Siphesihle, Jaco, Quintin, en die neefs, Johan en Hannes, asook die baie mooi jong Nellie, wat sorg vir heelwat ergenis onder van die mans. Nellie het al van jongs af 'n "ding" vir Kleintjie.

Gaan sy dit regkry om hom hare te maak ten spyte van al die struikelblokke? Daar is ook Tant Lenie, 'n kort goedige oumatjie, en Salomé, wie se motiewe onduidelik is en wat vir Nellie en Kleintjie hartseer besorg. Het sy en die neefs die ding beplan? Verder ontmoet ons 'n boetie en sussie, Marius en die bekoorlike Patrys, asook Lavanya, Mfundu, en Wald se ma, wat byna van honger beswyk.

Patrys laat Wald se gedagtes in 'n warboel tuimel, maar dit veroorsaak wrywing met Marius. Marius is onbewustelik afsyding teenoor Wald omdat Wald nog 'n ma het.

Kan Wald dit regkry om Marius se vriendskap te wen? Die broers en hul klein "kudde" word op die proef gestel terwyl hulle probeer om die omstandighede in hul guns te draai. Verassings en nog vele kinkels en draaie wag op die leser.

. .